नायकको भावपूर्ण बिदाइ

अन्तराष्ट्रिय कला
1Shares

सिड्नी । अस्ट्रेलियामा न्यु साउथ वेल्स र साउथ अस्ट्रेलियाको समयान्तर आधा घण्टाको छ । संयोग नै मान्नुपर्छ कि अस्ट्रेलियाको दुई फरक स्थानमा जीवनको अन्तिम सास लिएका नेपाली समुदायका हिरोहरुको मंगलबार साँझ दुवै शहरमा उही समयमा उच्च स्मरण गरिएको छ ।

उनीहरुको सम्मानमा सिड्नी र एडीलेडमा सयौं नेपाली र अस्ट्रेलियनहरु उपस्थित भए । सिड्नीमा जनवरी ४ को बिहान सबेरै निधन भएका युवा समाजसेवी मनिष सुवेदीको मंगलबार दिउँसो अस्ट्रेलियामै अन्तिम संस्कार गरिएको थियो भने एडिलेडमा गत डिसेम्बर २८ मा निधन भएका निश्चल घिमिरेको जनवरी ६ मा नेपालमा अन्तिम संस्कार गरिएको थियो ।

अस्ट्रेलियामा मनिष र निश्चलले गरेका कामका लागि उनीहरुको सम्मानमा मंगलबार सयौं शिरहरु झुके र उनीहरुका फोटो अगाडि पुष्पगुच्छा अर्पण गरे । दुवै शहरमा मंगलबार सूर्यास्त भएपछि उनीहरुको सम्मानमा सयौं मैनबत्तीहरु बालिए । उनीहरुको सम्मानमा केही घण्टासम्म निरन्तर बलेर पग्लिएका मैनबत्तीहरुले सहभागी सबैलाई मनिष र निश्चल जस्तै समाजका लागि दीपक बन्न प्रेरणा दिइरहेका थिए ।

Facebook Comments

जवाफ लेख्नुहोस्

तपाईंको ईमेल ठेगाना प्रकाशित हुने छैन । आवश्यक ठाउँमा * चिन्ह लगाइएको छ